A scialalla coj fiocch senza vergogna,
disii pur che l'è segn ch'oltra el salari
el spend lu del fatt so quell che besogna.
Quand savessev del franch che all'incontrari
Nol gh'ha del so che i ball ch'el ne bologna,
allora senza nanch vess temerari
disii ch'el gratta, senza avegh la rogna.
Quand intrattant ch'el gratta allegrament
Vedessev che i soeu capp riden e tasen,
disii pur che l'è segn che san nient.
Ma quand poeù ve sentissev quaj ribrezz
Perché a dì che san nient l'è on dagh dell'asen,
giustemela e disii che fan a mezz.
(Carlo Porta)
